Krysset manipulator og eksorsist

I sjamanisme er det det imperfekte som skaper fingeravtrykka, det genuine.  Denne krystallen er ein dobbeltterminert klar krystall med ei engleflate mot eine spissen.  Dvs flata er brigda som om den går i trapper eller trekkspel.  Dette gjev ein heilt spesiell tone.  I lag med eit svart kryss inne i krystallen og eit krater som avdekkar krysset, får du her ein svært personleg krystall. 

Personlegdomen er manipulerande, derfor treng krystallen å tilhøyre ein person som har meditert lenge og kjenner sitt eige ego til fingerspissane. Og spesielt sine manglar og svakheiter slik at ein ikkje går seg fast i den. I feil hender vil denne krystallen kunne brukast til maning og svart magi. Derfor vil eg gjerne ha ein samtale med vedkomande som føler seg kalla til å eige denne krystallen.  Den kan brukast til demonologisk arbeide, eksorsisme,  og også til kirurgisk healing av større felt.

Krystallen bør følgje personen og ein bør setje opp eit "testament" på den eller la den gå attende til jord i si tid.